उबाठा गटाचे आंतरराष्ट्रीय प्रवक्ते संजय राऊत यांचे ज्ञान कच्चे – मंत्री चंद्रकांत पाटील यांचे टीकास्त्र

मराठी सारांश

संजय राऊत यांनी भाजप व मुख्यमंत्री देवेंद्र फडणवीस यांच्या जाहिरातीवरून टीका करताना, नागपूर संघ मुख्यालयात छत्रपती शिवाजी महाराजांचा फोटो व पुतळा नसल्याचा मुद्दा उपस्थित केला. यावर मंत्री चंद्रकांत पाटील यांनी प्रत्युत्तर देत, “संघाच्या प्रत्येक कार्यालयात शिवरायांची प्रतिमा असतेच. शिवराय हे संघासाठी दैवत आहेत, पण राऊत यांचे या बाबतीतील ज्ञान कच्चे आहे,” असे म्हटले.

English Summary

MP Sanjay Raut criticized BJP and CM Devendra Fadnavis over advertisement spending, suggesting that RSS headquarters in Nagpur should display Chhatrapati Shivaji Maharaj’s photo and statue. In response, Higher & Technical Education Minister Chandrakant Patil stated, “Every RSS office already has Shivaji Maharaj’s image. For the RSS, Shivaji Maharaj is a deity. Raut’s knowledge about RSS and its respect for Shivaji Maharaj is weak.”

माहिती

मुंबईत सध्या एक नवा राजकीय वाद सुरु आहे. खासदार संजय राऊत यांनी जाहिरातींवरून भाजपवर निशाणा साधला. त्यांनी असा आरोप केला की मुख्यमंत्री देवेंद्र फडणवीस यांच्या प्रतिमा सुधारण्यासाठी साधारण 40-50 कोटी रुपये एका दिवसात जाहिरातीसाठी खर्च झाले. शिवाय त्यांनी RSS मुख्यालय, नागपूर येथे छत्रपती शिवाजी महाराजांचा फोटो आणि पुतळा लावण्याची मागणी केली.

यावर मंत्री चंद्रकांत पाटील यांनी प्रत्युत्तर दिलं. त्यांनी स्पष्ट केलं की, “संघाच्या प्रत्येक कार्यालयात शिवरायांची प्रतिमा असतेच आणि प्रत्येक उत्सवात शिवरायांच्या प्रतिमेला पूजन केले जाते. गेल्या 100 वर्षांपासून ही परंपरा चालू आहे.” तसेच त्यांनी संजय राऊत यांच्यावर मिश्किल टीका करत म्हटलं की, “राऊत यांचे संघ व शिवाजी महाराजांबद्दलचे ज्ञान खूपच कच्चे आहे. त्यांनी संघाच्या कोणत्याही कार्यालयाला भेट दिल्यास त्यांचे अज्ञान दूर होईल.”