शिव निर्णय /सोलापूर : महाबँक पेन्शनर क्लबच्यावतीने मंगळवारी (ता. २८) रोजी व्याख्यानाचे आयोजन करण्यात आले आहे. भारतीय संविधानाला ७४ वर्षे पूर्ण होत असून अमृत महोत्सवी वर्ष सुरू होत आहे. या निमित्ताने, संविधानाने नेमके आपल्याला काय दिले ? या विषयावर धाराशिव येथील विधिज्ञ देविदास वडगावकर यांचे अभ्यासपूर्ण व्याख्यान आयोजित करण्यात आले आहे. व्याख्यानानंतर प्रश्नोत्तराचासुद्धा कार्यक्रम आहे. या कार्यक्रमाला आवर्जून उपस्थित राहावे व आपले संविधानावरील तसेच लोकशाहीवरील प्रेम व्यक्त करावे. हा कार्यक्रम सायंकाळी ६ वाजता समाज कल्याण केंद्र सभागृहात होणार आहे. कार्यक्रमास उपस्थित राहण्याचे आवाहन प्रसाद अतनूरकर, दीपक दाबडे, रवींद्र खमितकर, खंडू फुलसे यांनी केले आहे.
