सोलापुरात साखर दरवाढीवरून सिद्धेश्वर कारखान्यात राडा;

सोलापुरात साखर दरवाढीवरून सिद्धेश्वर कारखान्यात राडा; एमडींच्या मध्यस्थीने वाद मिटला, २७ रुपयांनी वाटप सुरू

सोलापूर (प्रतिनिधी) – सोलापूरच्या सिद्धेश्वर सहकारी साखर कारखान्यात आज साखरेच्या दरवाढीवरून मोठा गोंधळ उडाला. साखरेचे दर वाढले असताना कारखाना प्रशासनाकडून कमी दराने साखर विक्री होत असल्याच्या कारणावरून शेअर्सधारक आक्रमक झाले आणि त्यांनी साखर विक्री बंद पाडली.

सकाळच्या सुमारास शेकडो शेअर्सधारक कारखाना परिसरात जमा झाले होते. यावेळी कारखाना कर्मचारी, अधिकारी आणि शेअर्सधारक यांच्यात जोरदार शाब्दिक वादावादी झाली. काही काळ कारखाना परिसरात तणावाचे वातावरण निर्माण झाले होते.
प्रकरण हाताबाहेर जात असल्याचे लक्षात येताच कारखान्याचे एमडी (व्यवस्थापकीय संचालक) यांनी तात्काळ मध्यस्थी केली. त्यांनी शेअर्सधारकांशी चर्चा करून तोडगा काढला.
बाजारात साखर महाग झाली असली तरी, शेअर्सधारकांच्या हिताचा विचार करून त्यांना पूर्वीच्या दरानेच म्हणजेच २७ रुपये प्रति किलो या सवलतीच्या दराने साखर वाटप करण्याचा निर्णय घेण्यात आला.
या निर्णयामुळे शेअर्सधारकांचे समाधान झाले असून, कारखान्यात पुन्हा शांततेत आणि सुरळीतपणे साखर वाटपास प्रारंभ झाला आहे.