मराठी सारांश
सुधाकर घारे फाउंडेशन आयोजित ‘खोपोली युथ नाईट २०२५’ स्पर्धा खोपोली येथे जल्लोषात पार पडली. विविध गटातील स्पर्धकांनी यात उत्स्फूर्त सहभाग घेतला. अभिनेत्री स्मिता गोंदकर आणि अभिनेता अभिनय सावंत यांच्या उपस्थितीमुळे कार्यक्रमाची रंगत वाढली. स्पर्धेसाठी १७० हून अधिक स्पर्धकांनी सहभाग घेतला. विविध मान्यवरांचा सन्मान करण्यात आला.
English Summary
The ‘Khopoli Youth Night 2025’ competition, organized by the Sudhakar Ghare Foundation, was held with great enthusiasm in Khopoli. Participants from different age groups actively took part. The presence of actress Smita Gondkar and actor Abhinay Sawant added glamour to the event. More than 170 contestants participated, and several dignitaries were honored.
कार्यक्रमाची रंगत आणि उपस्थिती
पनवेल (प्रतिनिधी) – सुधाकर घारे फाउंडेशन आयोजित ‘खोपोली युथ नाईट २०२५’ स्पर्धा खोपोली येथे मोठ्या उत्साहात पार पडली. या स्पर्धेला युवा व महिलांकडून मोठा प्रतिसाद मिळाला. अभिनेत्री स्मिता गोंदकर आणि अभिनेता अभिनय सावंत यांच्या उपस्थितीने कार्यक्रमाची शोभा वाढली.
विविध स्पर्धा आणि सहभाग
या स्पर्धेअंतर्गत शायनिंग स्टार (मुले, मुली), ज्यू. प्रिन्स, ज्यू. प्रिन्सेस, प्रिन्स ऑफ खोपोली, प्रिन्सेस ऑफ खोपोली आणि विवाहित महिलांसाठी ‘क्वीन ऑफ खोपोली’ अशा विविध स्पर्धांचे आयोजन करण्यात आले होते. या स्पर्धेसाठी रायगड जिल्ह्यातून १७० हून अधिक स्पर्धकांनी सहभाग घेतला, तर ‘क्वीन ऑफ खोपोली’ स्पर्धेत १७ विवाहित महिलांनी भाग घेतला.
पुरस्कार वितरण आणि गौरव समारंभ
या स्पर्धेच्या निमित्ताने विविध क्षेत्रात उल्लेखनीय कार्य करणाऱ्या मान्यवरांचा सुधाकर घारे यांच्या हस्ते सन्मान करण्यात आला. गौरव करण्यात आलेल्या व्यक्तींमध्ये उद्योजक मयुर जैन, सामाजिक कार्यकर्त्या अनिसा पाटीक, अपघातग्रस्तांना मदत करणाऱ्या भक्ती साठलेकर, पत्रकार बाबू पोटे, कामगार प्रतिनिधी रविंद्र कांबळे आणि वृद्धाश्रमातील मोफत वैद्यकीय सेवा देणाऱ्या डॉ. युगांता म्हात्रे-आंग्रे यांचा समावेश होता.
विजेते आणि विशेष पुरस्कार
‘क्वीन ऑफ खोपोली’ स्पर्धेत प्रिती पाटील (अलिबाग) यांनी प्रथम क्रमांक पटकावला, वृषाली पाटील (खोपोली) द्वितीय तर अश्विनी पुजारी (खोपोली) तृतीय क्रमांकाच्या मानकरी ठरल्या.
विशेष पुरस्कार –
