मराठी सारांश
छत्रपती शिवाजी महाराज, राजमाता जिजाऊ आणि छत्रपती संभाजीराजेंबद्दल अपमानास्पद वक्तव्य करणाऱ्या प्रशांत कोरटकर याच्यावर गुन्हा दाखल करण्याची मागणी संभाजी ब्रिगेडने केली आहे. कर्जत पोलीस ठाण्यात निवेदन देऊन तात्काळ एफआयआर दाखल करण्यासाठी संघटनेने आक्रमक भूमिका घेतली आहे.
English Summary
Sambhaji Brigade has demanded that an FIR be registered against Prashant Kortkar for making derogatory remarks about Chhatrapati Shivaji Maharaj, Rajmata Jijau, and Chhatrapati Sambhaji Raje. A memorandum was submitted at Karjat Police Station, and the organization has vowed to follow up until action is taken.
संभाजी ब्रिगेडची भूमिका
शिवराय, जिजाऊ आणि संभाजीराजे यांच्या बदनामीमुळे महाराष्ट्रभर संतापाची लाट उसळली आहे. या प्रकरणी नागपूरच्या प्रशांत कोरटकरवर गुन्हा दाखल व्हावा, अशी मागणी संभाजी ब्रिगेडने केली आहे. त्यांनी कर्जत पोलीस ठाण्यात निवेदन सादर केले असून, एफआयआर दाखल होईपर्यंत प्रकरणाचा पाठपुरावा करण्याचा निर्धार व्यक्त केला आहे.
निवेदन देताना उपस्थित मान्यवर
दहिवली परिसरातील धर्मवीर छत्रपती संभाजी महाराज स्मारकाजवळ संभाजी ब्रिगेडच्या कार्यकर्त्यांनी निषेध नोंदवला. यावेळी संभाजी ब्रिगेडच्या सामाजिक व राजकीय विंगचे जिल्हा उपाध्यक्ष आकाश कांबळे, तालुका अध्यक्ष रोहिदास लोभी, विशाळ माळी, इतिहास संशोधक वसंत कोळंबे, मराठा सेवा संघ अध्यक्ष अनिल भोसले, तसेच श्रीकांत आगिवले, दिपक भालेराव, सतीश देशपांडे, दिलीप लोभी, विलास सांगळे, सुनील ठोंबरे, अविनाश भिंगारे, मनोज रुठे, आनंद लोभी आदी कार्यकर्ते उपस्थित होते.
