मराठी सारांश
२०२४ साली एनएमएमटी बसच्या अपघातात गंभीर जखमी झालेल्या केशव ठाकूर यांना अद्याप नुकसान भरपाई मिळालेली नाही. प्रशासनाने आर्थिक मदतीचे हमीपत्र दिले असले तरी वर्षभर उलटूनही न्याय न मिळाल्याने कुटुंबाने संताप व्यक्त केला आहे. उरणमध्ये झालेल्या आमसभेत सामाजिक कार्यकर्त्या ममता पाटील यांनी हा मुद्दा उपस्थित केला.
English Summary
Despite a written assurance from NMMT, accident victim Keshav Thakur has not yet received compensation for his severe injuries from the 2024 bus accident. In a public meeting at Uran, social activist Mamata Patil raised this issue, demanding immediate justice. The affected family remains hopeful after the matter was discussed in the assembly.
एक वर्षानंतरही न्यायाची प्रतीक्षा
८ फेब्रुवारी २०२४ रोजी उरण खोपटे येथे एनएमएमटी बसच्या धडकेमुळे निलेश शशिकांत म्हात्रे यांचा मृत्यू झाला, तर केशव आत्माराम ठाकूर गंभीर जखमी झाले. अपघातानंतर एनएमएमटी प्रशासनाने २० दिवसांत आर्थिक मदत देण्याचे हमीपत्र दिले होते, मात्र वर्षभर उलटूनही ठाकूर कुटुंबाला नुकसान भरपाई मिळालेली नाही.
आमसभेत उठला प्रश्न – प्रशासनाकडून टाळाटाळ
२८ फेब्रुवारी २०२५ रोजी जेएनपीटी मल्टीपर्पज सभागृह, उरण येथे झालेल्या आमसभेत सामाजिक कार्यकर्त्या ममता पाटील यांनी हा प्रश्न उपस्थित केला. आमदार महेश बालदी व अन्य प्रशासकीय अधिकाऱ्यांच्या उपस्थितीत झालेल्या चर्चेत हा विषय मांडण्यात आला.
लोकांचा संताप – लवकरच मिळणार न्याय?
एक वर्ष उलटूनही न्याय न मिळाल्याने ठाकूर कुटुंबीय तसेच स्थानिक नागरिकांनी एनएमएमटी प्रशासनाच्या दिरंगाईवर संताप व्यक्त केला आहे. आमसभेत हा प्रश्न उपस्थित झाल्याने लवकरच तो मार्गी लागेल, अशी आशा ठाकूर कुटुंबीयांनी व्यक्त केली आहे.
