स्वाधार योजनेत अर्जासाठी  मुदत वाढ अर्ज भरण्यासाठी दि.16 डिसेंबर 2024 पर्यंत मुदत

सोलापूर, दि. 02 : भारतरत्न डॉ. बाबासाहेब आंबेडकर स्वाधार योजनेसाठी ऑनलाईन अर्ज स्वीकारण्याची दि. 30 नोव्हेंबरपर्यंत मुदत होती. परंतु  विद्यार्थ्याचे उशिरा सुरु होणारे शैक्षणिक सत्र व विद्यार्थ्यांना येणाऱ्या तांत्रिक अडचणी विचारात घेता विद्यार्थ्याचे शैक्षणिक नुकसान होऊ नये यासाठी पोर्टल वरती अर्ज भरण्यासाठी दि.16 डिसेंबर 2024 पर्यंत मुदत वाढ देण्यात आलेली असून, अनुसूचित जाती व नवबौद्ध घटकांतील विद्यार्थ्यांनी अर्ज करण्याचे आवाहन समाजकल्याण सहायक आयुक्त सुलोचना सोनवणे यांनी केले आहे.

          शैक्षणिक वर्ष 2024-25 या वर्षात सोलापूर शहरातील व सोलापूर महानगरपालिका हद्दीपासून 5 किमी परिसरात असलेल्या महाविद्यालयामध्ये प्रवेश घेतलेल्या अनुसूचित जाती व नवबौध्द प्रवर्गातील पात्र नवीन व नुतनीकरण झालेल्या जास्तीत जास्त  विद्यार्थ्यांनी http://hmas.mahait.org या पोर्टलवर दि. 16  डिसेंबर पर्यंत आवश्यक कागदपत्रांसह अर्ज करावा असे आवाहनही समाजकल्याण सहायक आयुक्त सुलोचना सोनवणे यांनी केले आहे.